2016 жылы Қарағанды облысында МЖӘ бойынша 1 млрд теңгенің 12 жобасы жүзеге асырылуда

13 Сәуір, 2016 16:57

2016 жылы Қарағанды облысында МЖӘ бойынша 1 млрд теңгенің 12 жобасы жүзеге асырылуда, деді Қарағанды облысының әкімі Нұрмұхамбет Әбдібеков Қарағанды облысында өткен Орталық коммуникациялар қызметіндегі брифингте.

«Міндетті әлеуметтік медициналық сақтандыру мәселелері аясында 2017 жылдың 1 қаңтарынан бастап міндетті әлеуметтік сақтандыруды енгізу қарастырылған. Бұл ауруханалар мен емханалар арасындағы бәсекелестікті арттырады. Бүгінде кепілдендірілген тегін медициналық көмек көрсету бойынша жеке жеткізуші қызмет тартылуда. Оның саны 2011 жылдан бастап 24-тен 41-ге жетті. Оның 16-ы қосымша халықпен жұмыс істесе , 22 – консультативтік қызмет көрсетеді», - деді Н.Әбдібеков.

Әкімнің айтуынша, мемлекеттік жеке меншік серіктестіктің механизмі белсенді қолданылуда.

«Өткен жылы компьютерлік томография кабинеті ашылды. Сондай-ақ, 2 офтольмологиялық орталық пен УЗИ оңалтудың 3 кабинеті ашылды. МЖӘ бойынша 1 млрд теңгенің 12 жобасы жүзеге асырылуда», - деді ол.

Ботагөз Айтжанова

Барлық жаңалықтар