Қарағанды облысының АӨК-не 10,7 млрд. теңге инвестиция тартылды

13 Сәуір, 2016 16:28

Облыстың ауыл шаруашылығына чехтық стратегиялық инвестор «Бауер» компаниясы тартылған. Инвестицияның жалпы көлемі 10,7 млрд. теңге, деп хабарлады Қарағанды облысының әкімі Нұрмұхамбет Әбдібеков «Ұлт жоспары «100 нақты қадамның» іс жүзінде орындалуы» туралы аймақтық Орталық коммуникация қыметінде өткен баспасөз конференциясында.

«Аймақта ауыл шаруашылыған мамандандыруға сәйкеси 8 ауыл шаруашылық кооперативін құру туралы мәселе қарасытырылып жатыр. Олардың қатарында: Бұқар жырау ауданында – ет өндіруші 2 жоба, Қарқаралы ауданында – сүн өндірісі мен бастапқы жүн өңдеу бойынша 2 жоба, Осакоровка ауданында – өсімдік шаруашылығы өнімдері, Шет ауданында – ет және сүт өңдейтін 2 жоба, Ұлытау ауданында - өсімдік шаруашылығы мен мал шаруашылығы бар»,-деді Н.Әбдібеков.

Сонымен қатар, аймақ басшысы облыстың агроөнеркәсіп кешеніне чехтық «Бауер» компаниясы тартылғанын атап өтті. Ол шошқа өсіретін кешен құрылысын жүргізбек.

«Инвестицияның жалпы көлемі 10,7 млрд. теңге. Дания мен Франциядан әкелінген шошқалар 100 пайыз өнімділігі жоғары асыл тұқымнан. Сондай-ақ, польшалық кәсіпкерлермен сүт және сүт өнімдері өндірісіне инвестиция салу жағы қарастырылуда»,-деді облыс әкімі.

Ботагоз Айтжанова

Барлық жаңалықтар