Оралда қара уылдырық пен тауарлық бекіре етін өндіретін аквамәдени кешен ашылады

20 Қараша, 2013 10:15

« «Парасат» ұлттық ғылыми-технология холдингі» АҚ коммерциализация аясында Оралда қара уылдырық пен тауарлық бекіре етін өндіретін аквамәдени кешеннің жобасын жүзеге асырмақ, деп Білімі және ғылым министрлігінің баспасөз қызметі хабарлады.

« «Парасат» Холдингі технологияны коммерциаландыру бойынша бірқатар жобаны жүзеге асырады. Оның ішінде қара уылдырық пен тауарлық бекіре етін өндіретін ғылыми-технологиялық тәжірибелік-өндірістік кешен жобасының құрылысы да бар. Ол Орал қаласында Жәңгір хан атындағы Батыс Қазақстан агротехникалық мемлекеттік университетінің қолдауымен жүзеге асады», - делінген хабарламада.

Жобаның қуаттылығы жылына 8 тонна қара уылдырық және 64 тонна бекіре етін шығару.

Сондай-ақ, Қарағандыда отандық құрылымдар бойынша тәжірибелік-өндірістік кешеннің құрылысы жоспарлануда.

«Led System» ЖШС компаниясымен бірігіп жарықдиотын өндіретін тәжірибелік-өндірістік кешеннің құрылысы да жоспарланған.

Оған қоса, «Ерлітөс» ЖШС серіктестігі арқылы Өскеменде табиғи минералдардан тагансорбент және бад препаратының дәрілерін өндіріп алатын кешеннің құрылысы жүргізіледі. Ол GMP пішіні бойынша жүзеге асады.

«Аталмыш жобалардың жүзеге асырылуы «Парасат» холдингіне технологияны коммерциаландыру бойынша біраз тәжірибе беріп, оны ұлттық деңгейге шығаруға мүмкіндік береді», - делінген хабарламада.

Барлық жаңалықтар