2016 жылы Қазақстан Дүниежүзілік банкпен 1,3 млрд доллардың 3 жобасын ратификациялайды

«2014 жылдың мамыр айында Мемлекет басшысының бастамасымен ҚР мен Дүниежүзілік банк арасында ынтымақтасуды нығайту мақсатында серіктестік туралы меморандум орнатылды.  Келісім аясында 2016-2021 жылдары 4,9 млрд доллардың бірлескен жобалары жүзеге асырылады, оның 4,3 млрд долларын Дүниежүзілік банк қаржыландырады», - деді М.Құсайынов.

2015 жылы алғашқы 3 жоба, оның ішінде өнімді инновацияларды ынталандыру, ШОБ бәсекелестігін арттыру, жұмыс орындарын ынталандыруды дамыту, 293 млн долларды Парламент  ратификациялады.

«Осы жылы 1,3 млрд доллардың тағы 3 жобасын ратификациялау көзделіп отыр. Астана-Бейнеу учаскесіндегі  «Орталық-Батыс» дәлізі, әлеуметтік медсақтандыру мен білім беруді жаңғырту», - деді вице-министр.

Айта кетейік, 1992 жылдан бері дүниежүзілік банк Қазақстанға 6,8 млрд АҚШ доллары көлемінде инвестиция жасаған. 2014 жылдың мамыр айында мемлекет басшысының бастамасымен Қазақстан мен дүниежүзілік банк арасында 2016-2021 жылдарға арналған жалпы құны 4,9 млрд долларды құрайтын келісімге қол қойылды.