Аграрлық корпорация жыл басынан бері 2,8 млрд теңгеге 206 өнеркәсіп кешенін несиелендірді

13 Сәуір, 2016 12:41

«Аграрлық несие корпорациясы» АҚ республикалық бюджет қаржысы есебінен агроөнеркәсіп кешені нысандарын қолдау мақсатында көктемгі егін егу жұмыстарын жүргізуге ниет білдірген ауыл шаруашылығы тауар өндірушілерінің сомасы 37 млрд. теңгеден аса өтініштерін мақұлдады, бұл қаржы биылғы жылы 2 млн. гектардан аса алқапқа егін егіп, оны жинауға мүмкіндік береді.

«Аграрлық несие корпорациясы» АҚ хабарлағандай, қазіргі уақытта көктемгі егіс жұмыстарын жүргізу үшін Ақмола, Алматы, Ақтөбе, Шығыс Қазақстан, Жамбыл, Қарағанды, Қостанай, Солтүстік және Оңтүстік Қазақстан облыстарының ауыл шаруашылығы тауар өндірушілері 20 млрд. теңгеден аса сомаға қаржыландырылды.

Ауылшаруашылығы тауар өндірушілері алған қаржысы арқылы жанар-жағармай материалдарын, ауыл шаруашылығы техникасын жөндеу үшін қосалқы бөлшектерді, минералдық тыңайтқыштарды, өсімдіктерді қорғау құралдарын сатып алуға және өнімді отырғызу мен жинау бойынша өзге де қажетті шараларды уақтылы жүзеге асыруға мүмкіндік алады.

Бұдан өзге, Корпорация несие серіктестіктерін қорландыру аясында жыл басынан бері көктемгі егіс жұмыстарын жүргізу үшін 206 агроөнеркәсіп кешені субъектілерінен келіп түскен құны 2,8 млрд.теңгенің өтінішін қаржыландырды.

Айта кетейік, «Аграрлық несие корпорациясы» АҚ, 2001 жылы ҚР Үкіметі қаулысымен құрылған компания. Негізгі мақсаты – аграрлық саланы Қазақстан Республикасы агроөнеркәсіпкешені субъектілерін қолжетімді несиелеу жүйесін дамыту арқылы индустриаландыру және әртараптандыру. «ҚазАгро» Ұлтық басқарушы холдингінің құрамына кіреді.

Барлық жаңалықтар