Қазақстандық дәрі өндіруші компания Ресей нарығын 5 млн. долларлық фармөніммен қамтамасыз етпек

12 Сәуір, 2016 17:36

Қазақстандық компанияларды Ресей нарығына көптеп шығару мақсатында «KAZNEX INVEST» АҚ Қазақстанның Сыртқы сауда палатасымен бірлесіп Новосібір облысының үкіметімен 35 отандық құрылыс, азық-түлік, фармацевтика салалары бойынша сауда миссиясын өткізді.

Ведомствоның хабарлауынша, бизнес-миссия барысында кәсіпорындар Новосибирсктің губернаторы В. Городецкимен, ауыл шаруашылық министрлігі өкілдерімен, өндірістік, сауда және даму іскерлік орта өкілдерімен келіссөздер жүргізді. Қазақстан тарапынан аталмыш шараға ауыл шаруашылық министрінің орынбасары Е. Кошербаев, Павлодар облысы әкімінің орынбасары Н. Дычко қатысты.

Екіжақты келіссөздің нәтижесінде Астанада «HousemasterKZ» ЖШС мен «ПРОГМАТИК» АҚБ арасында бірлескен кәсіпорын құру туралы, кабель-сымды өнім жеткізу мен сату және ішкі және сыртқы бейнебақылау құрылғыларын орнату мен монтаждау жөніндегі екі меморандумға қол қойылды. Қазақстандық дәрілік заттарды өндіруші «Нобел АФФ» АҚ Ресей Федерациясының «Катрен» ірі дистрибьюторымен 5 млн. доллардың отандық фармауевтикалық өнімін жеткізу туралы келісім бекітті.

Сауда миссиясының аясында «KAZNEX INVEST» АҚ-ң Новосибирсктегі өкілдігінің ресми ашылуы болды.

Барлық жаңалықтар