С.Сәрсенов: eGov мобильдік қосымшасы арқылы 2,3 млн қызмет көрсетілді

“«ҰАТ» АҚ төраға орынбасарының сөзінше, eGov арқылы көбінесе мекенжай анықтамаларын (шамамен 64 млн.), жылжымайтын мүліктің бар немесе жоқ болуы туралы (20 млн. жуық) және зейнетақы аударымдары туралы анықтамалары (12,5 млн. аса) алынады. eGov  мобильдік қосымшасы арқылы  2,3 млн қызмет көрсетілді ”, - деді С.Сәрсенов.

Порталдың сұранысқа ие қызметтерінің бірі – бизнесті онлайн тіркеу. eGov арқылы 2013 жылдан бастап 73 мың компания ашылды. Электрондық үкіметтің төлем шлюзі арқылы 18 млрд. артық теңге сомасына 3 млн. жуық транзакция өткізілді, олардың ішінде 10 млрд. сомасына төлемдер 2015 жылы жасалды.  

“Мемлекеттік органдар жұмысының айқындығы, есеп беруге тиістілігі мен тиімділігі Қазақстанның «Ашық үкіметінің» дамуымен  арта түседі. Бұл бес компоненттен тұрады: «Ашық деректер», «Ашық НҚА», «Ашық бюджет», «Ашық диалог» пен «Мемлекеттік органдар қызметінің тиімділігін бағалау»”, - деді ол.

Ботагөз Айтжанова