Су тасқынын ескерту мен жою мақсатына 27,5 тонна қажет дүниелер дайындалды – ҚР ТЖК

11 Сәуір, 2016 15:38

Су тасқынын ескерту мен жою мақсатына 27,5 тонна қажет дүниелер дайындалды. Олардың қатарында 400-ден астам инертті материалдар, 1,3 млн. қап, 150 тонна жарылғыштар бар. Бұл туралы ҚР ІІМ төтенше жағдайлар комитетінің төрағасы Владимир Бекке ОКҚ-де өткен баспасөз конференциясында хабарлады.

«Ауа райы мәліметтерін ескере отырып, біз Ішкі істер министрлігінің Ақмола, Ақтөбе, Шығыс Қазақстан, Қостанай және Солтүстік Қазақстан облыстарындағы құтқарушылар топтарын жедел құтқару бөлімшелері, өрт сөндіру қызметі және апаттық құтқару жұмыстары есебінен күшейттік. Бүгінгі күні су басқан 535 үйдің 421-інен су сорылып алынды, төтенше жағдай аумағынан дер уақытында 969 адам қауіпсіз жерге көшіріліп, 17 адам құтқарылды. Қазіргі уақытта 504 адам өз үйлеріне оралды, 437-сі туған-туыстарының үйлеріне, ал 28-і эвакуация бекеттеріне орналастырылды», - деді В.Беккер.

Комитет басшысының айтуынша, су тасқыны қаупі туындаған сәттен 2488 ірі қара мен ұсақ мал қауіпсіз жерге көшірілсе, бүгінгі күні олардың 1500 басы иелеріне қайта жеткізілді.

«Бүгінгі күні төтенше жағдайлар аумағында 36 мыңнан астам уақытша бөгет тұрғызылып, 145 мыңнан астам қап инертті материал төселді, 1 млн. текше метрден астам тасқын су айдалды», - деді В.Беккер.

Оның сөзіне қарағанда, су тасқынымен күрес жұмыстарына 4127 адам, 1140 техника, 259 су сорғыш құрылғы, 41 қайық жұмылдырылған.

Ботагоз Айтжанова