Астанада «Жұмыспен қамтудың жол картасы – 2020» бағдарламасының жүзеге асуын талқылады
19 Қараша, 2013 18:15
Бүгін, 19 қарашада Астанада ауыл, қала, аудан әкімдерінің қатысуымен өткен республикалық семинар-кеңесте «Жұмыспен қамтудың жол картасы – 2020» бағдарламасының жүзеге асуы талқыланды, деп ҚР Еңбек және халықты әлеуметтік қорғау министрлігінің баспасөз қызметі хабарлады.
« Семинарға қатысушылар «Жұмыспен қамтудың жол картасы-2020» бағдарламасының жүзеге асуы талқыланды. Атқарушы органдар мен жергілікті, орталық органдар тарапынан проблемалық сұрақтар алға тартылды. Сондай-ақ, механизмдердің жетілуі мен бағдарламаның құрылымы да тілге тиек болды», - делінген хабарламада.
Семинарға қатысу үшін Қазақстанның әр түкпірінен 500 – ге жуық делегат келді.
Сондай-ақ, шара барысында спикерлер «Ауылдағы шағын несие беру тиімділігін арттыру», «Кәсіптік бейімделу жұмысы», «ЖҚЖК-2020 бағдарламасына өзгерістер енгізу» сынды сұрақтарды талқылады.
Сонымен қатар, семинар-кеңестің қатысушылары шара соңында «ЖҚЖК-2020» бағдарламасы Астана қаласының орта білім беру мекемелерінде жүзеге асуын тамашалады.
