Астананың мемлекеттік бюджеті 2016-шы жылдың бірінші тоқсанында 111,8%-ға орындалды

Республика бойынша өсім қарқыны өткен жылдың осы кезеңімен салыстырғанда 135 % немесе 362,9 млрд. теңгеге артық. Астанада өсім қарқыны 148,5 %-ды құрап, 80,3 млрд. теңге түскен. Оның 157,5 %-ы немесе 71,3 млрд теңгесі республикалық бюджетке, ал, 121,6 %-ы немесе 9 млрд. теңге жергілікті бюджетке түскен.

2016-шы жылдың бірінші тоқсанының қорытынды болжамы бойынша 25,9 млрд. теңге артығымен орындалған. Яғни, 246,2 млрд теңге түскен. Республикалық бюджетке 195 млрд. теңге түсіп отыр. Жергілікті бюджетке 50,7 млрд. теңге түсті. Бұл 12,7 млрд. теңгеге артығымен орындалғанды көрсетеді.

Жоғарыдағы көрсеткіштер елорданың экономикалық өсіміне жағдай жасауға бағытталған кешенді шаралардың нәтижесі болып есептеледі. Мәселен, мемлекеттік кіріст арттыру мақсатында көлеңкелі экономикамен күресті тиімді жүргізудің нәтижесінде атқарылған жұмыстардың жемісі. Бұл үшін арнайы іс-шара жоспарлары әзірленіп, бекітілген болатын. Сол жоспарлардың сәтті жүзеге асқанын жоғарыда экономикалық көрсеткіштерден байқауға болады.