«Бәйтерек» холдингі жанынан Тұрғын үй құрылысына кепілдік беру қоры құрылады

Холдингте хабарлағандай, құрылып жатқан қордың негізгі бір бағыты – уәкілетті компания тұрғын үй ғимараты бойынша өз міндеттемелерін орындамаған жағдайда Тұрғын үй құрылысының кепілдік беру қоры үлескерлерге құрылысты аяқтауға және пәтерлерін беруге кепілдік беретін болады.

Тұрғын үй құрылысына кепілдік беру қоры қаржы тұрақтылығы бойынша үлескерлік құрылыс қатысушылары үшін біліктілік талаптарын орындауды талап етуге уәкілетті болады, сонымен қатар ең үздік тәуекелді басқарудың озық тәжірибесін пайдаланады.  

Сонымен қатар, қор кепілдік жарна арқылы  арнайы резервті қалыптастырады. Егер кепілдік жағдай келген кезде, Қор аяқталмай жатқан нысанды аяқтауы керек.

Кепілдік жағдайларға мыналар кіреді: тұрғын үй нысандарының қай жөндеу мерзімінің бұзылуы; қаржының мақсатсыз жұмсалуы; құрылысшылардың жеткіліксіздігі.