СҚО-да өсімдік майын өндіретін зауыт құрылысын жүргізу жоспарлануда
Мемлекет басшысының ауыл шаруашылық секторына стратегиялық инвесторлар тарту жөніндегі тапсырмасын орындау мақсатында СҚО Тайынша қаласында қытайдың трансұлттық «Айцзю» компаниясының өкілдерімен өсімдік майын өндіру мен өңдеу міселесі бойынша кездесу өтті. Аталмыш бастама өсімдік майын егетін алқаптар мен өндіріс көлемін ұлғайтуға мүмкіндік береді.
Аталмыш мәжіліске ҚР Ауыл шаруашылық министрлігінің өкілдері, облыс әкімдігі, «НҰХ» ҚазАгро» АҚ және «Атамекен» ҰКП-ң өкілдері қатысты.
Қытайдың «Айцзю»трансұлттық компаниясы СҚО-да өсімдік майын өндіретін зауыт құрылысын салуды жоспарлап отыр. Жобаның құны шамамен 58 млн. доллар болады. Зауыт жылына 80 мың тонна өсімдік майын шығарады деп күтілуде.
Еске сала кетейік, осы жылдың наурыз айында Қытайға 2 мың тонна өсімдік майы экспортталған болатын. Болашақта жыл сайын 200 мың тонна май экспорттау жоспарлануда.
