8 Сәуір, 2016 16:19

«Нұрлы жол»: 2016 жылы ТКШ-ның 99 жобасы жаңғыртылады

2016 жылға «Нұрлы жол» бағдарламасының шеңберінде 75 миллиард теңге соманы құрайтын 99 жоба іріктелген. Бұл туралы «Тұрғын үй-коммуналдық шаруашылығын жаңғырту мен дамытудың қазақстандық орталығы» акционерлік қоғамы Басқармасының Төрағасы Сергей Чайжунусов «Нұрлы жол» бағдарламасы аясында Коммуналдық инфрақұрылымды жаңғырту туралы» баспасөз-конференциясында айтты.

«2016 жылға бекітілген қосымша қаражат өткен жылы 60 млрд теңгені құраса, осы жылы бюджеттік несиелеу – 75 млрд теңгені құрады. Олардың ішінде сумен жабдықтау бойынша жобалар – 22,4 миллиард теңгені құрайтын 48 жоба, су бұру бойынша жобалар – 10,4 миллиард теңгені құрайтын 20 жоба, жылумен жабдықтау бойынша жобалар – 44,2 миллиард теңгені құрайтын 31 жоба. «Нұрлы жол» бағдарламасы аясында 99 жоба іріктелген»-деді С. Чайжунусов.

Айта кетейік, 2016 жылы бағдарлама аясында субсидия енгізіледі.

«2016 жылдан бастап жылумен, сумен жабдықтау және су бұру жүйесінің құрылысын және қайта құрылымдауды несиелендіру – мемлекеттік қолдаудың жаңа тетігі енгізілді. Мемлекеттік емес қаржылық институттардың, соның ішінде халықаралық ұйымдардың қайта қаржыландырылуымен іске асырылатын инвестициялық жобаларға жұмсалатын шығындардың бір бөлігін несиелендірудің негізгі мақсаты, салынған инвестициялардың өтемділігіне қолдау көрсету және коммуналдық қызмет тарифтерін жұмсартуға әсер ету. Бекітілген несиелендірудің сомасы 14,5 миллиард теңгені құрайды. Жалпы алғанда 90 млрд теңге»,-деді ол.

Естерінізге сала кетейік, «Нұрлы жол» аясында ТКШ инфрақұрылысын жаңғырту және су және жылу жүйесінің инвестициясы 2020 жылға дейін жыл сайын 2 трлн теңге бөлінуін құрайды. 2016 жылға – 90 млрд теңге, әрі қарай жыл сайын 100 млрд теңге.

Ботагөз Айтжанова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды