А.Бижанов: ЕАЭО ықпалдастығы – уақыт талабына жауап

8 Сәуір, 2016 15:54

Парламент Сенаты Әлеуметтік-мәдени даму және ғылым комитетінің төрағасы Ақан Бижанов Бішкек қаласында өткен Еуразиялық экономикалық одақты дамытудың келешегіне арналған форумға қатысты, деп хабарлады Сенаттың баспасөз қызметі.

Сенатор өз сөзінде ЕАЭО-ға қатысушы елдер үшін ықпалдастықтың басымдылығын атап өтіп, бұл аймақтық бірлестіктің елеулі экономикалық әлеуетіне назар аударды. А. Бижанов қазіргі кезде осы ықпалдастық жобасының қызмет етуі үшін салмақты құқықтық база қалыптасқанын атап өтті.

«Оның негізін Еуразиялық экономикалық одақ туралы, Қырғыз Республикасы мен Армения Республикасының ЕАЭО туралы шартқа қосылуы туралы және басқа да шарттар құрайды. Сенатордың айтуынша, 2015 жылдың басынан бері 600-ге жуық құжаттар қабылданды, олардың басым көпшілігі өнеркәсіп, энергетика, көлік және басқа да салаларды қамтиды», - делінген хабарламада.

Мұндай ықпалдастық, қазіргі кездегі жағдайға жауап беретіні даусыз және уақыттың талабына жауап болып табылады, тараптардан ЕАЭО аясында да, одан тыс та экономикалық ынтымақтастықты одан сайын үдетуді талап етеді, деді А.Бижанов.

Сенатор ЕАЭО-ның Еуропа мен Азиядағы мемлекеттермен және түрлі ықпалдастық бірлестіктерімен, оның ішінде ШЫҰ-мен еркін сауда аймағын құру туралы мәселеде ынтымақтастықты дамытудың тартымды келешегі туралы айтты. Оларға да шекаралық аймақтағы ынтымақтастықты одан әрі дамыту және ЕАЭО-ға мүше мемлекеттердің өзара парламентаралық іс-қимылын тереңдету қажеттігі де атап өтілді.

Барлық жаңалықтар