А.Бикеева: МЖӘ жобаларына бағаны инвестор бекітеді (ВИДЕО)

8 Сәуір, 2016 16:15

Мемлекеттік жекешелік әріптестік жобаларына бағаны әкімдіктің келісумен инвестор бекітеді, деді «Astana Innovations» АҚ МЖӘ дамыту басқармасының жетекшісі Әлия Бикеева Астанадағы «Астана МЖӘ таныстырылымы мен олардың жүзеге асырылуы» дөңгелек үстелі барысында.

«Көлік саласы мен денсаулық сақтау саласындағы МЖӘ бойынша жобалар жіберілді. Олар: паркингтер, автовокзалдар, дәрігерлік амбулатория, емханалар. Бұл Астана әкімдігінің жобалары. Көліктік инфрақұрылымның жобалары бойынша байқау жарияланды, денсаулық сақтау саласында осы жылдың сәуірінде байқау жариялау жоспарланған», - деді ол.

Ол атап өткендей, қалған жобалар әзірлену үстінде: 5 балабақша, жылыжай құрылысы, спорт кешені мен қала мектептері, бекеттердің құрылысы.

«Бұл жобаларды әкімдік МЖӘ заңы бойынша жүзеге асыруды жоспарлауда», - деді ол.

МЖӘ барлық нысандарына инвестор әкімдіктің келісімімен бекітеді.

«Барлық тәртіптер МЖӘ жобасының келісімнде көрсетілген. Баға саясаты бақыланатын болады. Бірақ, бағаны әлеуметтік жеке серіктес бекітеді», - деді ол.

Ботагөз Айтжанова