ҰОС Жеңісінің 71 жылдығын мерекелеу ҚР Тәуелсіздігінің 25 жылдығы ұранымен өтеді

«Қазіргі кезде елімізде 3886 соғысқа қатысушы мен соғыс мүгедектері, 22 867 соғысқа қатысушыларға теңестірілген азаматтар бар. Оларға жыл сайын құрмет көрсетіледі. Осыған орай біз бүгін мемлекеттік органдардың қандай шаралар әзірлеп жатқандығын тыңдайтын боламыз», - деді Г.Әбдіқалықова.

Мемлекеттік хатшы   өткізілетін барлық іс-шара Қазақстан Тәуелсіздігінің 25 жылдығы аясында өтуі қажеттігі және еліміздің қоғамдық-саяси тұрақтылығын қамтамасыз етуге, Мемлекет басшысының саясаты аясында қоғамды біріктіруге, жас ұрпақтың патриоттық сезімін нығайтуға бағытталуы керек екендігін ерекше атап өтті.

«ҚР ардагерлер ұйымы» Орталық кеңесінің төрағасы Ө.Озғанбаев атап өткендей, ардагерлер  жастарды тәрбиелеуге белсенді атсалысады. Сондай-ақ, ол журнаслитерге ардагерлерге көрсетіліп жатқан көмек туралы айтып өтті.

«Қазір біз үлкен мереке – Ұлы Отан соғысының 71 жылдығы қарсаңында тұрымз. Өткен жылы қазақстандықтар 70 жылдық мерей тойды кеңінен тойлап өтті. Қазір біздің борышымыз ардагерлерге құрмет пен көмек көрсету. Өткен жылы ауқымды жұмыс басталды. Көптеген ардагерлер пәтерге ие болды. Алматыоблысы бойынша 73 пәтер берілді, Маңғыстау облысында – 60 пәтер үлестірілді. Пәтермен қоса, оның жөндеу жұмыстары да жүзеге асырылды. Бұл көрсеткіш бойынша ОҚО – 300 пәтерді жөндеп көш бастады. Екінші орында ШҚО», - деді ол.

Айта кетерлігі, 2016 жылы жергілікті бюджетте ардагерлерге материалдық көмек көрсету үшін 2,6 млрд теңге бөлінді.