2016 жылғы наурызда тұрғын үй нарығындағы баға 2,5 пайызға арзандады – ҰЭМ
8 Сәуір, 2016 09:13
2016 жылғы наурызда тұрғын үй нарығындағы баға 2,5 пайызға арзандады, деп хабарлады Ұлттық экономика министрлігі.
2016 жылғы наурызда өткен аймен салыстырғанда жаңа тұрғын үйлерді сату бағалары 2,5%, абаттандырылған тұрғын үйлерді алып сату – 0,6%, абаттандырылмаған тұрғын үйлерді – 0,1%-ға төмендеді. Абаттандырылған тұрғын үйді жалға алу төлемі 0,3%-ға төмен болды.
Тұрғын үй нарығындағы бағаны байқау астанада, Алматы қаласында және облыс орталықтарында құрылыс компанияларын қоса қалалық қор бойынша жылжымайтын мүлікпен операцияларды жүзеге асыратын ұйымдардың іріктелген шеңбері бойынша жүргізіледі.
