Астанада МЖӘ аясында патологиялық анатомия бюросын салу жоспарлануда
7 Сәуір, 2016 17:03
Денсаулық сақтау саласында МЖӘ аясында патологиялық анатомия бюросын салу жоспарлануда. Бұл туралы «МЖӘ дамыту компаниясы» ЖШС директоры Әлия Масакова Астанадағы «Астана МЖӘ жобаларын таныстыру және олардың жүзеге асырылуы» дөңгелек үстелі барысында айтты.
«Денсаулық сақтау аясында МЖӘ аясында патологиялық анатомия бюросын салу жоспарлануда. Ортақ сметалық құны 3 млрд теңгеге жетіп отыр», - деді Ә.Масакова.
Ол атап өткендей, жобаның мақсаты – елорда тұрғындарына жоғары мамандандырылған патологиялық анатомиялық көмек көрсету.
«Жоба жеке серіктес негізінде патологиялық анатомия бюросын салуды қарастырып отыр. Аталмыш нысан бойынша жобалық-сметалық құжат пен құжатқа мемлекеттік сараптаманың қосымшасы бар», - деді ол.
Ботагөз Айтжанова
