ШҚО-да «Қылмыстық құқық бұзу картасы» интернет порталы іске қосылады
7 Сәуір, 2016 16:47
Жол-көлік оқиғаларының, қылмыстық құқық бұзушылықтың, азаматтардың үн қатысу мәліметтері «Қылмыстық құқықбұзушылық картасы» интернет порталы іске қосылғаннан кейін аймақтың барлық тұрғындарына қолжетімді болады. Бұл туралы Аймақтық коммуникация қызметінде баспасөз конференциясында облыс әкімі Даниял Ахметов хабарлады.
«Қылмыстық құқық бұзу картасы» интернет порталы арқылы қылмыстың сараптамасына тереңірек үңілу үшін онлайн-режімде көруге мүмкіндік болаатынын айта кеткен жөн.
«Қылмыстық құқық бұзу картасының құрылуы Ұлт жоспары «100 нақты қадамның» 32-ші қадамына байланысты. Кез-келген интернет жүйесін пайдаланушы криминогендік жағдайларды, жоспарланған демалыстар мен іссапарларды, баланың оқу орынына дейінгі бағыттағы қауіпсіздікті көре алатын болады»,-деп атап өтті Д.Ахметов.
Бұдан бөлек, Қылмыстық құқық бұзу картасы әкімдер мен қоғамдастыққа ішкі істер органы жұмыстарының тиімділігін бақылауға және оларға баға беруге мүмкіндік туғызады.
