Астанада жалпықалалық сенбілікке 80 мыңнан астам адам қатысады
7 Сәуір, 2016 20:27
Әдеттегідей көктемде елордада экологиялық айлық өткізіледі. Биыл алғашқы экологиялық сенбілікті өткізу 23 сәуірге белгіленіп отыр. Елорданы тазарту жұмыстарына 80 астам қала тұрғыны қатысады деп күтілуде, деп хабарлады қала әкімдігінің ресми сайты.
Жалпықалалық сенбілікке мемлекеттік ұйымдардың, шағын және орта бизнес субъектілерінің өкілдері, студенттер мен оқушылар, ПИК өкілдері, елорда тұрғындары мен қонақтары қатыспақ. Осы күні Астананың үш ауданы тұрғындарының күшімен 1000 жуық ағаш отырғызу көзделген.
Сенбілікке 300 астам арнайы техника, әсіресе, жүк көліктері мен тиегіштер тартылмақ. Сонымен қатар, «Астана Зеленстрой» және мердігерлік ұйымдардың жұмысшылары саябақтарды, гүлзарларды жинап, ағаштардың бастарын кеседі, қоқыстарды жинап, шығарады. Экологиялық айлық барысында Астана қаласы аудандарының аумағын абаттандыру, санитарлық тазарту және көгалдандыру жұмыстары жалғасын табады.
