ҚТЖ австриялық көлік және логистика компанияларымен серіктестікті нығайтады

Семинарда «ҚТЖ» ҰК» АҚ бас инженері Серік Төлебаев пен «KTZExpress» АҚ атқарушы директоры Сергей Анашкин сөз сөйледі. Олар өз сөздерінде Қазақстандағы темір жол көлігін техникалық дамытудың негізгі бағыттарына арнады. Ұлы Жібек жолын қайта жаңғыртудағы көлік -логистикалық саласын дамыту бағдарламасын жүзеге асыру барысы туралы әңгімеледі.

Айта кету керек, ҚТЖ мен австриялық компаниялардың серіктестігі 2003 жылдан басталады. Қазіргі таңда Қазақстан темір жолында австриялық техникалар табысты қолданылуда. Олардың ішінде жол тегістеу, түзету мен қалпына келтіруге арналған «Унимат», «Дуомат», «РМ» машиналары  жолдарды  күрделі және ағымдағы жөндеулерге де пайдаланылады. Австрия қазіргі кезде темір жол саласындағы инновациялық техникаларды экспорттауда әлемде бесінші орын алады. Бұл технологиялар мен техникалардың ішінде жол құрылысын жүргізуге арналған техникалар, электр жетегі, алысқа қатынауға арналған вагондар, басқару жүйесі, қауіпсіздік пен коммуникация жүйелеріне арналған ноу-хау техникалары үлкен сұранысқа ие.

Семинар барысында Австрияның Қазақстандағы елшісі

Вольфганг Баняй,  мен сауда  атташесі  Михаэль Мюллер сөз сөйледі. Шара аясында темір жол көлігі техникалары мен логистика саласындағы технологиялар мен өнімдердің тұсаукесер рәсімі өткізілді.

Австриялық  делегация  мүшелері  «Тұлпар-Тальго» АҚ, «Локомотив құрастыру зауыты» АҚ, «Электровоз құрастыру зауыты» АҚ кәсіпорындарымен танысты. Сондай-ақ, семинарға қатысқан шетелдік  қонақтар Астанадағы жаңа көліктік-логистикалық орталық пен Темір жол көлігі персоналын бағалау мен дамыту орталығында болды.