2017 жылдан бастап Астанада МЖӘ аясында 5 балабақша іске қосылады

«Астана әкімдігінің жарлығымен ««Astana» Әлеуметтік-кәсіпкерлік ұлттық  корпорациясы» МЖӘ-ні сүйемелдеу бойынша заңды тұлға ретінде танылды. МЖӘ жобаларын дамыту мақсатында және отандық, шетелдік инвестицияларды тарту мақсатында «МЖӘ дамыту компаниясы» құрылды. Қазіргі таңда Астана білім беру басқармасымен бекітілген келісім аясында 1200 орындық 5 балабақша салу жоспарланған», - деді Ә.Масакова.

Жобаның құны 4 млрд 700 мың теңге.

Оның айтуынша, жобанық мақсаты орындар тапшылығын азайту және балаларды мектепке дейінгі біліммен қамту.

«Жоба бойынша балабақшалар кешенін жеке серіктес негізінде салу жоспарланған. Бес балабақша бойынша жобалық-сметалық құжаттар әзірленуде», - деді ол.

Жеке серіктес МЖӘ нысанын салады. Оны коммуналдық меншікке беріп 19 жылға қабыладайды. Өз кезегінде, мемлекеттік серіктес жеке серіктеске инвестициялық шығынның төлемақысын 6 жыл ішінде береді.

Ботагөз Айтжанова