Сингапур ЭКСПО-2017 көрмесіне қатысуға мүдделі

7 Сәуір, 2016 15:04

2016 жылдың 6-7 сәуір айында «ЭКСПО-2017» халықаралық мамандандырылған көрме комиссары Рәпіл Жошыбаевтың басшылығымен қазақстандық делегация Сингапур Республикасына сапармен барды.

Сапар барысында Р. Жошыбаев Сингапур Республикасы Сыртқы істер аға мемлекеттік министрі Мухамад Малики Османмен, Сингапур Ұлттық туристік агенттер қауымдастығының президенті Дэвиндеро Ори, Сингапурда көрме өткізуге жауапты Сауда және индустрия министрлігінің басшылығымен, сондай-ақ елдің іскерлік ортасымен кездесті., деп ҚР СІМ хабарлайды.

Сингапурдың сыртқы саясат ведомствосында алдағы екі жақты ынтымақтастық мәселелері бойынша ой алмастырылды және сингапурлық жақтың «ЭКСПО-2017» көрмесіне қатысуы талқыланды. Комиссар өзінің әңгімелесушісін Астанада өтетін көрмеге дайындық үрдісімен таныстырды. Өз кезегінде, М.Осман елінің халықаралық көрмеге қызығушылық танытқанын атап өтті және аталмыш оқиғаның барлық әлемге маңызды екендігін айтты.

Халықаралық көрмелерге жауап беретін Сингапурдың сауда және индустирия министрлігінде «ЭКСПО-2017» көрмесі таныстырылды. Кездесу кезінде 2007 жылдан бастап Сингапур «жасыл» энергетиканы өзекті дамытып келе жатқандығы айтылды және оның дамуына елдің бюджетінен 3,4 млрд АҚШ доллраы бөлінді. Бүгіндері бұл сала 18 мың жұмыс орындарын қамтамасыз етіп отыр. Тараптар ЭКСПО-2017 көрмесі сингапурлық әзірлемелер және «жасыл» энергетика саласындағы технологияларды көрсету үшін үздік алаң болатынын келісті.

Туризм саласында тәжірибе алмасу мүмкіндіктері, сингапурлық туроператорларды ынтымақтастық жасауға тарту және елдер арасында тура авиахабарламаны ашу талқылаудың бір мәселесі болды.

Кездесу қорытындысы бойынша «Астана ЭКСПО-2017» Ұлттық комапния мен ҰТАҚ арасында туризм саласы бойынша ынтымақтастық Меморандумына қол қойылды.