2019-шы жылға дейін Астанада екі жаңа автовокзал пайдалануға беріледі

7 Сәуір, 2016 11:59

Астанада тәулігіне 9 мың жолаушыны қамти алатын екі жаңа автовозалды 2019-шы жылға дейін пайдалануға беру жоспарлануда. Бұл туралы «Astana Innovations» АҚ МЖС дамыту басқармасының бастығы Әлия Бикеева «Астанадағы МЖС жобаларының тұсаукесері және оларды жүзеге асыру процедуралары» атты дөңгелек үстел барысында айтты.

«Астанада тәулігіне 9 мың жолаушыны қамти алатын екі жаңа автовозалды 2019-шы жылға дейін пайдалануға беру жоспарлануда. Бұлар 5 436 млн. теңге сомасына салынатын Абылайхан даңғылы мен Қобда көшесінің қиылысында және сомасы 4 673 млн. теңге болатын Н.Тілендиев даңғылы мен Бейсеков көшесінің қиылысында болатын автовокзалдар»,-деп хабарлады Ә.Бикеева.

Сарапшының айтуынша, аталмыш жобалар мемлекеттік-жекеменшік серіктестік аясында атқарылатын болады.

«Концессионерлерді іріктеу байқауы 2016-шы жылдың 16-шы наурызында жарияланған болатын. Байқау тапсырыстарының конвертін ашу 16-шы мамырда өтеді. Концессия мерзімі – 30 жыл, Құрылысын жүргізу шамамен екі жылға созылады, пайдаланылатын кезеңі – 28 жыл болады»,-деп нақтылады МЖС дамыту басқармасының бастығы.

Ботагоз Айтжанова

Барлық жаңалықтар