Қазақстан әлемде энергия сыймдылығы жағынан 28-ші орында

«Әлемдік барлық энергияның 41 %-ын ғимараттар пайдаланатын болса, өндіріс  31 %-н, ал, көлік әлемдік энергоресурстың 28 %-н қолданады екен. Сондықтан, осындай мәліметтерді ескеретін болсақ, энергия үнемдеу мәселесі  айтарлықтай өзектілене түседі»,-деді министр.

Ведоство басшысының айтуынша, біздің елі экономикасының энергия жұмсауы жоғары деп бағаланады. Әлемде Қазақстан 28-ші орында.

«Біздің елімізде негізгі энергия жеткізуші көмір – бұл 55 %, табиғи газ 22 %, мұнай 19 % және гидроэлектростанция 3 %»,-деп атап өтті министр.

Еске сала кетейік, Астанада «Бюджеттік секторлар мен шағын және орта бизнес кәсіпорындарында энергия үнемдеу және энергия тиімділігін арттыру жобаларына инвестиция тарту» тақырыбында халықаралық конференция өтіп жатыр. Форум бағдарламасы бойынша, сарапшылардың пікірі тыңдалады, Қазақстан Республикасындағы энергетикалық жобалар қызметінің жүзеге асуы, энергияны үнемдеу мен энергия тиімділігін арттыру бойынша халықаралық тәжірибесімен бөлісу мақсатында келген шетелдік сарапшылардың ой-пікірін тыңдау бағдарланған.

Индира Кауметова