• Басты
  • 2016 жылы Қазақстанда 10 энергосервистік келісімді бекіту ұсынылады
7 Сәуір, 2016 10:44

2016 жылы Қазақстанда 10 энергосервистік келісімді бекіту ұсынылады

Астанада «Бюджеттік секторлар мен шағын және орта бизнес кәсіпорындарында энергия үнемдеу және энергия тиімділігін арттыру жобаларына инвестиция тарту» тақырыбында халықаралық конференция өтіп жатыр. Биыл Қазақстан және басқа да елдермен кем дегенде 10 энергосервистік келісімдер бекітілмек. Бұл туралы ҚР инвестиция және даму министрі Әсет Исекешев хабарлады.
2016 жылы Қазақстанда 10 энергосервистік келісімді бекіту ұсынылады

«Бүгінгі таңда біздің энергия үнемдеу Ұлттық институт  реестр субъектілерімен жұмыс жүргізіп жатыр. Тізімге 6 мың субъект кіріп отыр. Бұлар 1,5 мың тоннадан артық жанармай жағатын ірі өндірістік кәсіпорындар. 6 мың субъектінің 3 мыңына аудит жүргізу міндеттелді. Олардың 11 %-на жүргізілді. Біз қазір барлығына аудит жүргізілуіне жұмыс істеп жатырмыз»,-деді Ә.Исекешев.

Сонымен қатар іс-шараның тағы бір мақсаты Ұлт жоспарының 59-шы қадамындағы «Мойындалған халықаралық энергосервистік шарттар арқылы энергия үнемдеу саласына стратегиялық инвесторлар тарту» механизмін жүзеге асыруды талқылау болды. 

Барлық жаңалықтар