ШҚО Тұңғыш Президенттің Күніне орай 600 шара ұйымдастырмақ

«Шығыс Қазақстан облысында Тұңғыш Президент күніне орай тақырыптық онкүндік бастау алды. Оның аясында өңір бойынша 600-ге жуық қоғамдық іс-шараларды ұйымдастыру жоспарланған», - делінген хабарламада .

20 қараша күні Шемонаиха қаласында қазақ тілін меңгерген өзге ұлт өкілдерінің қатысуымен «Бір Отан, бір тіл - бір ел» форумы өтеді, оған елімізге атақты ағартушы-филолог, қоғам қайраткері Асылы Осман қатысады.

«Қарашаның 23-і күні еліміздің үздік жоғарғы оқу орындарының бірі Nazarbayev University делегациясы жергілікті университеттердің студенттерімен кездесіп, ШҚО ЖОО-мен серіктестік жөніндегі меморандумға қол қояды. Атап өтер жайт, өзге облыстарға қарағанда Назарбаев Университетінде білім алып жүрген студенттердің ішінен шығысқазақстандықтардың саны ең көп», - деп хабарламада нақтыланған.

29 қараша күні «Назарбаев тану» ғылыми-сарапмалық орталықтың ашылуы көзделсе, 30 қарашада «Әлем назарындағы тұлға» тақырыбында облыс жастарының форумы өтпек.  Оған Лондон олимпиадасының жеңімпазы Ольга Рыпакова, Бокстан әлем чемпионы Мерей Ақшалов пен «Қазақстан Барысы- 2013» жарысынының жеңімпазы Айбек Нұғымаровтың қатысуы жоспарланған. 

Айта кетерлігі, аймақ тұрғындарына «Президенттің сүйікті әндері» концерті ұсынылады.

Сондай-ақ, 4 желтоқсанда «Инвестициялар, инновация мен бизнес» атты аймақтық форум өткізіледі.