Павлодар облысында 1,5 мың тұрғылықты емес ұлттың балалары мектепке дейінгі қазақша мекемеге барады

19 Қараша, 2013 14:51

Бүгін Достастық үйінде Павлодар облысының әкімі Ерлан Арын балалары қазақ тілінде тәрбие беретін мектепке дейінгі мекемелерге баратын тұрғылықты емес ұлт өкілдерінің отбасыларымен кездесті, деп хабарлайды облыс әкімдігінің баспасөз қызметі.

«Кездесу барысында соңғы жылдары балаларын мектепке дейінгі жастан бастап қазақ тілінде білім мен тәрбие беруге талпынатын тұрғылықты емес ұлт өкілдерінің көбейіп келе жатқаны айтылды. Бүгінде қазақ тілді мектепке дейінгі мекемеде облыс көлемінде 1 486 өзге ұлттың бүлдіршіндері тәрбиеленуде. Ал қазақ тілді мектептерде бұл көрсеткіш 604, ал колледж бен ЖОО-да 491 тұрғылықты емес ұлт студенттері қазақ тілінде білім алып жатыр», - делінген хабарламада.

Сонымен қатар, кездесуде 2013-2015 жылдарға арналған «Қазақ тілі» Жол картасын облыста насихаттау мен жүзеге асыру мәселесі талқыланды.

«Өзге ұлт өкілдерінің мемлекеттік тілді оқуы қазақ тілі дәрежесінің өсуіне бірден бір себеп. Сол себепті біздің облысымызда балабақшадан бастап жұмыс мекемелері мен кәсіпкерліктерге дейін барлық жерде қазақ тілін оқыту курстары ашылуда және қызмет көрсетуде», - деді облыс әкімі.

Барлық жаңалықтар