Қазақстан мен АҚШ ядролық сала бойынша ұзақмерзімді ынтымақтастықты талқылады
6 Сәуір, 2016 18:59
Кездесу аясында энергетика саласында, атом өнеркәсібі, жалпы ядролық сала бойынша ынтымақтастық мәселесі талқыланды. Бұл туралы ҚР Энергетика министрі Қанат Бозымбаев АҚШ-ң энергетика министрі Эрнест Монизаның қатысуымен өткен баспасөз конфенренциясында айтты.
«Энергетикалық ынтымақтастық бойынша бірлескен отырыс өтті. АҚШ-ң энергетика министрі сыртқы саысат және энергетикалық ведомство басшыларымен, сонымен қатар, еліміздің ірі энергетикалық компанияларымен келіссөздер жүргізу мақсатында келді. Кездесу аясында энергетика саласында, атом өнеркәсібі, жалпы ядролық сала бойынша ынтымақтастық мәселесі және ядролық қару таратпау мен қауіпсіздік жайы талқыланды»,-деді Қ.Бозымбаев.
Еске сала кетейік, 2001-ші жылы ҚР Президенті Н.Назарбаевтың АҚШ-қа жасаған ресми сапарында Қазақстан мен АҚШ арасында энергетикалық серіктестік туралы Декларацияға қол қойылған болатын.
Ботагоз Айтжанова
