Е.Ыдырысов пен АҚШ энергетика министрлігі атом өнеркәсібі саласындағы ынтымақтастықты дамыту мәселелерін талқылады
Кездесу барысында екі жақ энергетика саласы бойынша екіжақты және көпжақты ынтымақтастық мәселесін талқылады. Көбінесе екіжақты ынтымақтастыққа көп мән берілді.
«Е.Ыдырысов АҚШ-ты Иран ядролық бағдарламасы бойынша келіссөздердің табысты аяқталуымен құттықтады және Қазақстанның осы мәселеге ерекше қарайтындығын айтып өтті»,-деп хабарламада айтылған.
Екі жақ энергетикалық әріптестік жөніндегі қазақстандық-американдық арнайы комиссияның жұмысын жоғары бағалады және оның алдағы уақытта дамуына сенім білдірді.
Кездесу барысында жаһандық ядролық қауіпсіздік режимі және оны таратпауды нығайту мәселелері талқыланды. Американдық жақ Қазақстанның төмен байытылған уран МАГАТЭ Банк құруна жасаған үлесін жоғары бағалады.
Сонынмен қатар, кездесу барысында тараптар одан әрі ядролық энергетика саласындағы өзара тиімді ынтымақтастықты дамытуды талқылады және мұнай-химия өнеркәсібі бойынша пікір алмасты.
АҚШ энергетика ведосмствосының басшысы жаһандық климаттың өзгеруіне және болашақ ұрпақ үшін қоршаған ортаны сақтау бойынша өз ойын айтты. Қазақстанның ЭКСПО-2017 халықаралық мамндандырылған көрмесіне АҚШ-ты шақырғандығын құптады.
