Жекешелендіру барысынла облыстық бюджеттер 3 600 млн.теңгеге толықты

2014 - 2020 жылдарға арналған сату кестесіне сәйкес сатуға 899 объекті жоспарланған. 2014 жылдың маусым - 2016 жылдың сәуірдегі кезеңінде 408 объекті жекешелендіруге жатады. 2016 жылдың 4 сәуірдегі жағдайы бойынша іс жүзінде саудаға 385 объекті шығарылды, оның ішінде 250 объекті сатылды, республикалық меншік бойынша - 17, коммуналдық меншік бойынша - 120, ӘКК - 63, холдингтер бойынша - 50.

Сонымен, қаражат келесі түрде таратылды: республикалық бюджетке 6 745 млн. теңге, облыстық бюджеттерге 3 600 млн. теңгеден астам, Холдингтер 67 261 млн. теңге, ӘКК 2 959 млн. теңге.

«Республикалық меншік бойынша барлығы 2014-2020 жылдарға арналған сату Кестесі бойынша 60 объекті жекешелендіруге жатады. 2014 жылдың маусым - 2016 жылдың сәуірдегі кезеңінде іс жүзінде сатуға 24 объекті жоспарланған. Ағымдағы жылдың 4 сәуірдегі жағдайы бойынша сауда-саттыққа 24 объекті шығарылды, оның ішінде 17 объекті сатылды», - делінген хабарламада.

Ұлттық компаниялар мен холдингтер бойынша  2014 - 2020 жж. арналған сату Кестесі бойынша 141 объекті жекешелендіруге жатады, 4 сәуірдегі жағдайы бойынша жоспарланған 129 объектінің 111 объектісі сауда - саттыққа шығарылды, оның ішінде 50 объект сатылды.