Жамбыл облысында жылына 250 тонна шұжық және 262 мың консерві шығару жоспарлануда
6 Сәуір, 2016 17:53
Жамбыл облысында жылына 250 тонна шұжық және 262 мың консерві шығару жоспарлануда. Бұл туралы Өңірлік коммуникациялар қызметінде өткен брифингте Жамбыл облысы, Меркі ауданының әкімі Көпбосынов Бахтияр Бейсембайұлы айтты.
«Рысқұлов ауылында орналасқан «Меркі ет» ЖШС-не қарасты бұрынғы ет комбинатын қайта жаңғыртып, қуаттылығы жылына 250 тонна шұжық және 262 мың консерві (тушенка) банкасы шығарылады. Жоба құны 621 млн. теңгені құрайды. Жоба толық іске қосылса 25 азамат тұрақты жұмыс орнымен қамтылады деп жоспарлануда»,-деді Б.Көпбосынов.
