Қазақстан мен Ауғанстан 700 мың доллардың сауда келісімін бекітті
В2В форматында өткен екіжақты сессия аясында ауғандық кәсіпкерлердің көріп, сапасына баға берулері үшін жеткізілген қазақстандық тауар өндірушілердің ұсынатын өнімдері таныстырылды. Ауған бизнесмендері «Чабрец» және «Рола» сауда белгісімен шығатын макорон өнімдеріне қызығушылық танытты.
Келіссөз нәтижесі бойынша, ауғандық бизнесмендер өнімді тікелей жеткізу келісімін бекітті. Сондай-ақ, келісілген тауар бойынша Ауғанстаннан эксклюзивті дистрибьютор желісін құруды ұсынды. Енді жақын уақытта ауғандық кәсіпкерлер макорон өнімдерін шығаратын қазақстандық зауыттарғаи келуді жоспарлап отыр.
«35 млн. халқы бар Ауғанстан экономикасы тұрақтанып, енді жанданып келеді. Перспективалы бағыттардың бірі қазақстандық мердігерлердің қатысуымен жүзеге асатын үкіметтің инфроқұрылымдық жобалары болып отыр. Ауғанстан жыл сайын инфроқұрылымдық нысандардың құрылысына 2 млрд. доллар қаржы бөледі. Оған электр жүйелерінің құрылысы, темір жол желілері, суармалы жерлерді игері үшін арнайы дамбылардың құрылысы, автомобиль жолдары коммуникациялық желілері кіреді»,-деп атап өтті Қазақстанның сыртқы сауда палатасының төрағасы Мейірбек Мәжитов.
Қазақстанның сыртқы сауда палатасы мен Ауғанстанның сауда-өндірістік палатасы арасындағы форумның қорытындысы бойынша іскерлік кеңес құру, екіжақтың кәсіпкерлерінің ынтымақтастығын нығайту туралы келісімдерге қол қойылды.
