БҰҰДБ: «Қазақстан - 2020» Стратегиясы мен Ұлт жоспарының сәтті жүзеге асуының нәтижесі – әлемнің дамыған 30 елінің қатарына кіру

5 Сәуір, 2016 14:48

Ұзақмерзімді мақсатқа жету үшін тиімді мемлекеттік қызметтің алар орыны өте маңызды. «Қазақстан - 2020» Стратегиясы мен Ұлт жоспары – 5 институционалды реформаның сәтті жүзеге асуының нәтижесі – әлемнің бәсекеге қабілетті 30 елінің қатарына кірумен өлшенсе керек. Бұл туралы Қазақстандағы БҰҰ даму бағдарламасының тұрақты өкілі Норимаса Шимомура айтты.

«Ұзақмерзімді мақсатқа жету үшін тиімді мемлекеттік қызметтің алар орыны өте маңызды. Бұл сала бойынша Қазақстанда ешқандай бәсекелес жоқ, ол өз аймағында көшбасшы екені белгілі. Қазақстан соңғы екі онжылдықта әлеуметтік және экономикалық жақсы жетістіктерге жетті. «Қазақстан - 2050» Стратегиясы ҚР Президентінің мемлекеттің қалай дамыту керектігін алдын ала болжап, көрегендік танытқанының белгісі. Мемлекет басшысы бес институционалды реформада жақсы мемлекеттік қызметті қалыптастыру арқылы Қазақстан қандай жолды таңдап, қалай дамитынын көрсетіп берді»,-деді Н. Шимомура.

Соның нәтижесінде Қазақстан әлемнің дамыған 30 елінің қатарына енетінін атап өтті ол.

«Мемлекеттік қызмет түрлі күрделі реформадар мен күш салудан тұрады. Ол меритократия қағидасын алға жылжытады, жемқорлықты болдырмауға атсалысады»,-деп қосты пікіріне Н.Шимомура.

Мемлекеттік қызмет істері жөніндегі жыл сайынғы Өңірлік хаб конференциясының аясында Норимаса Шимомура Өңірлік хаб төрағасы Әлихан Бәйменовты Қазақстанда мемлекеттік қызметті реформалауда жасап жатқан маңызды істері үшін алғысын білдірді.

Ботагоз Айтжанова

Барлық жаңалықтар