Т.Донақов: Мемлекеттік қызмет елдің қажеттілігіне лайық болуы керек және заман талабына сай болуы қажет

«Биыл біз Мемлекет басшысының бастамасы  -  Ұлт жоспары «100 нақты қадамды» жүзеге асыра бастадық. Мемлекеттің сәтті дамуының негізіне жинақы мемлекеттік аппарат, экономикалық бағдарламаларды тиімді жүзеге асыра алатын, мемлекеттік қызметті ұсына алатын мамандар жатады. Мемлекеттік қызметті жаңғыртуда Өңірлік хаб пен оның жаһандық масштабты жұмысы үлкен қолдау болады. Биыл министрлік пен хаб бірлескен іс-шаралар жоспарын бекітті. Мәселен, еңбек ақы төлеу шкаласы жетілдірілуде»,-деді Т.Донақов.

Оның атап өтуінше, мемлекеттік қызмет елдің қажеттілігіне лайық болуы керек және заман талабына сай болуы қажет.

«Сол үшін арнайы ҚР Президентінің Жарлығымен өткен жылдың желтоқсан айында Мемлекеттік қызмет істері жөніндегі министрлік құрылды», - деп атап өтті министр.

Еске сала кетейік, Ұлт жоспарының бірінші институцоналдық реформасы «Кәсіби мемлекеттік аппарат құру». Реформа аясында мемаппаратты жаңғырту, нәтижеге орай еңбек ақы төлеу жүйесіне өту, сатылап өсу, жемқорлықпен күрес процедуралары қарастырылған.

Ботагоз Айтжанова