ИИДМБ: Ақмола облысында 461 млрд. теңгенің 30 жобасын жүзеге асыру жоспарлануда
5 Сәуір, 2016 10:13
Ақмола облысында индустриалды-инновациялық даму мемлекеттік бағдарламасы аясында шетелдік капиталдың қатысуымен 461 млрд. теңгенің 30 жобасын жүзеге асыру жоспарлануда, деп хабарлады аймақ әкімдігі.
Сонымен қатар, экономиканы индустриализациялау бағытындағы жобалар да іске асырылуда. 73 млрд.теңге сомаға 12 өңдеу кәсіпорын нысанын іске қосу жоспарланып отыр.
Осылайша, жобалық қуаты жылына 4,5 мың бірлік болатын ауыл шаруашылық және коммуналдық техникаларды құрастыратын қазақстандық-беларусьтық индустриалды-технологиялық паркі іске қосылатын болады.
«Бұдан бөлек, жылына 300 бірлікке дейін астық жинайтын комбайн техникаларын шығаратын «Вектор» зауытының өнімділік қуатын арттыру көзделуде. Көптеген жиынтық ресейлік «Ростсельмаш» зауытынан келеді, сондықтан, кәсіпорын қазақстандық қамтуды 40%-ға дейін арттыру ниетті»,-делінген хабарламада.
