Павлодардағы тоғызқұмалақ бойынша Азияның ашық чемпионатына 9 елден қатысушылар келді
19 Қараша, 2013 12:02
Павлодарда тоғызқұмалақ бойынша Азияның ашық чемпионаты басталды, деп облыс әкімдігінің баспасөз қызметі хабарлады.
«Павлодарға 9 елден 94 қатысушы келді. Олар 14 пен кіші және 15-тен 19 жас аралығындағы деңгейлер бойынша бөлінді. Мамандардың есептеуінше, Қазақстанның басты қарсыластары Қырғызстан, Моңғолия», - деп хабарламада нақтыланған.
Азия чемпионатының жеңімпаздары 21 қараша, бейсенбі күні белгілі болады. Одан кейін қатысушылар жеке сайыс бойынша бақ сынасады.
