Иран кәсіпкерлері Ақтөбе облысында қой шаруашылығын дамытуға ниетті

5 Сәуір, 2016 08:59

Иран бизнес-қоғамдастығы мен Ақтөбе облысы арасындағы ауыл шаруашылық саласы бойынша ынтымақтастық перспективалары облыс басшысы Бедібек Сапарбаев пен «Агро Ай Групп» ЖШС-ң бас директоры Тавакол Эбрахимнің кездесулері барысында талқыланды.

Ирандық кәсіпкерлер Ақтөбе облысына аймақтың инвестициялық әлеуетімен танысу үшін келді. Шетелдіктер 40 гектар жерге жылыжай құрылысын салу үшін, 10 мың бас ірі-қара мен 100 мың бас қой өсіретін мал шаруашылық фермасын құруға қолайлы жағдайы бар жер қарастырып жүр, деп хабарлады «Ақтөбе ақпарат» ақпарат орталығы.

2015-ші жылдың қорытындысы бойынша Ақтөбе облысы мен Иран арасындағы тауар айналым көлемі 17,4 млн. долларды құраған. Бұл цифрлар Иран мен біздің аймақ арасындағы экономикалық ынтымақтастық әлеуетіне толық сәйкес келеді, деп есептейді Б.Сапарбаев.

Ақтөбе облысы агроөнеркәсіп секторын дамытуға және ауыл шаруашылық өнімдерін өндіру мен өңдеуде зор әлеуетке ие. Аймақта сонымен қатар, 1 млн. гектар егістік алқап пен 30 мың гектар суармалы жер бар. Осыған байланысты 100 мың гектарды суаруға мүмкіндік бар. Ал, мал шаруашылығын дамыту үшін кең жайылым жерлер мен шабындық жерлер бар, деп ақпараттандырды қонақтарды облыс әкімі.

Кездесу қорытындысы бойынша, Иран инвесторлары Ақтөбе облысының билігіне аймақта мал шаруашылығын дамыту бағытында ұзақмерзімді іскерлік және ғылыми ынтымақтастық келісімін бекітуді ұсынды.

Барлық жаңалықтар