• Басты
  • Қазғарыштың жас мамандары халықаралық жас ғалымдар конференциясына қатысты

Қазғарыштың жас мамандары халықаралық жас ғалымдар конференциясына қатысты

4 Сәуір, 2016 18:16
2016 жылғы 24-25 наурызда Бішкек қаласында (Қырғыстан) VIII «Ғылыми зерттеулердегі заманауи техника мен технологиялар» атты Халықаралық жас ғалымдар және студенттер конференциясы өтті, деп хабарлады Қазғарыштың баспасөз қызметі.

Осы іс-шараға Қазақстан Республикасының Инвестициялар және даму министрлігі Аэроғарыш комитетінің «Ұлттық ғарыштық зерттеулер мен технологиялар орталығы» АҚ «Ионосфера институты» ЕЖШС-тің қызметкерлері – жас ғалымдары Н.С. Тойшиев, А.М. Сералиев,   Д. Қайратқызы, Е.М. Ақбергенов қатысты. Қатысушылар «Ионосфера институты» ЕЖШС-да жүргізілетін ғылыми зерттеулер туралы мынадай тақырыптар бойынша баяндамалар ұсынды:«Геофизикалық мониторинг және геоақпараттық жүйелер», оның ішінде геоортаның және ионосфераның мониторинг жүргізу үшін қолданылатын әдістемелер мен жаңа бағдарламалар туралы, сондай-ақ оларды қолдану нәтижелер туралы.

«Табиғи және техногендік қауіптер» – Орта Азия аймағында сейсмикалық-тектоникалық процестер, көшкін және сел-тасқын құбылыстары туындауының таралуы мен ерекшеліктері туралы. Осы секцияда сейсмикалық аймақтарда су-қоймаларын пайдаланумен және пайдалы қазбаларды өндірумен байланысты техногендік қауіптер туралы баяндамалар ұсынылған.

«Дисциплинааралық баяндамалар» – түрлі құбылыстар мен процестердің механикасы және динамикасы туралы, сондай-ақ түрлі ғылыми бағыттарда қолданылатын заманауи математикалық және технологиялық әдістер туралы баяндамалар.

Баяндамалардың материалдары жинағының электрондық нұсқасын жүктеу үшін сілтемеге Ресейдің ғылым академиясы Ғылыми станциясының www.gdirc.ru сайтында «Жаңалықтар» және/немесе «Ғылыми іс-шаралар» бөлімінде қолжетімді.

 

Барлық жаңалықтар