Африка мен Латын Америкасы мемлекеттік қызмет саласында Өңірлік хабпен ынтымақтасуды жоспарлауда
4 Сәуір, 2016 12:46
Африка мен Латын Америкасы мемлекеттік қызмет саласында Өңірлік хабпен ынтымақтасуды жоспарлауда, деді Астанадағы мемлекеттік қызмет жөніндегі өңірлік хаб атқарушы комитетінің төрағасы Әлихан Байменов жыл сайынғы конференция барысында.
«Біз жаңа аудандардан ынтымақтастыққа мүдделі тараптарды байқап отырмыз. Бұл Африка мен Латын Америкасы. Маусым айында Аддис – Абебеде бір шараның болуы жоспарланған», - деді Ә.Байменов.
Оның айтуынша, қазіргі таңда Өңірлік хаб құрамына 32 қатысушы ел енеді.
«экономикалық ынтымақтастық даму ұйымымен, сингапурлық орталықпен мемлекеттік қызметті жетілдіру жүргізілуде. Сондай-ақ, хаб Американдық мемлекеттік басқару қоғамы, Азиялық мемлекеттік басқару қоғамы және жаһандық UNPAN өңірлерімен ынтымақтасып отыр», - деді ол.
Ботагөз Айтжанова
