Түркия кәсіпкерлері Павлодар облысының өндірістік кәсіпорындарына қызығушылық білдіріп отыр

«Біз түрік компанияларымен экономиканың барлық саласындағы әрекеттестікке мүдделіміз, - деп атап өтті. – Облыс көлемінде шет елден құйылатын инвестициялардың артуы байқалады. Бұл іскери қауымдастықтың өңірге деген сенімінің белгісі. Сонымен қатар, облыста Түркия елінің тауар тасымалдаушылары жұмыс істейді, бірқатар бірлескен кәсіпорындар бар», - деді Қ.Бозымбаев.

Павлодар облысы табиғи ресурстарға бай аймақ. Сондай-ақ, өңірде заманауи ғылыми-техникалық база орналасқан, аймақтың өнеркәсіптік-өндірістік және энергетикалық потенциалы жоғары. Өңірдің тиімді географиялық жағдайы инвестицияларды тартуда үлкен басымдық береді, ал дамыған көлік инфрақұрылымы өңірдің Орталық Азия мен Сібір тоғысындағы маңызды көлік хабы ретіндегі транзиттік потенциалын көрсетеді.

Сонымен қатар, облыста инвесторлар үшін салықтық жеңілдіктер қарастырылған «Павлодар» арнайы экономикалық аймағы орналасқан. Аймақтың негізгі бағыттары – химия, мұнай-химия салаларын және түсті металлургия салаларын дамыту болып табылады.

Өз кезегінде Түркия Республикасынан келген инвесторлар өңірде өндірілетін алюминийге, «Нефтехим LTD компаниясы» ЖШС-і мен басқа да өнеркәсіп кәсіпорындарының өнімдеріне қызығушылық танытты. Сондай-ақ, олар «Павлодар» арнайы экономикалық аймағына және Қазақстан электролиз зауытына баса назар аударды.