Д.Назарбаева оқу жылын шілде айына дейін ұзарту туралы айтты

«ҚР ІІМ-ң жағымсыз статистикасының басым бөлігі жазғы демалыс кезінде балалардың қатысуымен болатын қылмысқа қатысты болып отыр. Бұл үш ай балалар өздері еркімен жүретін уақыт. Өкінішке қарай әзірге балалар уақытын өткізетін лагерлер мен спорттық клубтар жақсы дамымай отыр. Осы бағытта жұмысты жандандыруымыз қажет. Сонымен қатар, бір жылдың ішінде оқушы мен мұғалімге салмақ болатын оқу жүктемесін төмендету керек. Көктемгі және күзгі демалыстарды да аздап ұзарту мәселесін ойлану керек шығар. Биылғы жылдың қыркүйек айынан бастап, бірінші сыныпқа баратын оқушылар аптасына 5 күн ғана оқитын болады. Бірақ, оқу жылы бірінші маусымға дейін ұзартылады. Келесі жылы бес күндік оқу аптасы екінші, бесінші, жетінші және тоғызыншы сыныптарға енгізілетін болады»,-деді Д.Назарбаева.

Оның айтуынша, Еуропада оқу жылы 5-ші шілдеге дейін созылады. Болашақта Қазақстанда оқу жылын жаздың ортасына дейін ұзарту жоспарда бар.