Т.Хютч: Алматыда Универсиада-2017 өткізу үшін жоғары халықаралық деңгейдегі спорт ғимараттары бар
1 Сәуір, 2016 17:54
Алматы 28-ші Дүниежүзілік қысқы универсиаданы өткізуге өз иелігінде қар және мұз спорт түрлері бойынша жоғары халықаралық деңгейдегі спорт ғимараттары бар, деп Германияның Ұлттық студенттер федерациясының спорт директоры Торстен Хютч айтады, деп «Алматы қаласының халықаралық спорт кешендерінің дирекциясы» ГФ баспасөз қызметі хабарлайды.
«Алматы қаласы қысқы спорт түрлерінен өте бай тарихқа ие. Германияның барлық өкілдер мен спортшылары Алматыға келулерін асыға күтуде. Біз Алматы қаласында қар және мұз спорт түрлері бойынша жоғары халықаралық деңгейдегі спорт ғимараттарының барына қуанамыз»,-деді ол.
Сонынмен қатар, ол Атлетикалық қалашық және спорт нысандары жақын орналасқандығын атап өтті.
«Біздің ең жас спортшылар тәжірибе алмасуда, 2015-2016 жылғы қысқы маусымдарға қатысуда. Олардаң кейбіреулері B-World-Cup қатысуға мүмкіндіктері бар. Көбісі Алматыда өтетін Универсиадаға қатысуға үміттенуде»,-деді ол.
Федерацияның ақпараты бойынша, Алматыда өтетін жарысқа Германияның ұлттық құрамасының 50-60 өкілдері қатысады деп күтілуде.
Анар Тәңірқұлова
