«Даму» қоры мен Астана әкімдігі 27 бизнес-жоспарды қаржыландырды

«Қалалық әкімдікпен тиімді жалғасып жатқан ынтымақтастықты атап өткім келеді. Оның қорытындысы өткен жылы Астанада екі өңірлік бағдарлама іске қосылды: Astana-ZhasStarT және өңірлік қаржыландыру бағдарламасы. Бағдарламаны жүзеге асыру үшін «Даму» қоры 1 млрд теңге қалалық әкімдік 500 млн теңге бөлді»,  - деді ол.

Айта кетейік, қазіргі кезде елордада шағын және орта бизнеске қосымша қолдау көрсету және дамыту мақсатында «Даму» қорымен бірлесіп 29 жасқа дейінгі тұлғалар қатыса алатын жастар кәсіпкерлігін дамыту бағдарламасы мен сауда саласын мақсатты несиелеу бойынша бағдарламалар жүзеге асырылуда. Аталған бағдарламалар бойынша қаржыны игеру 100% құрады, оларды жүзеге асыру жұмыстары одан әрі жалғасады.

ШОБ саласында стартап-жобаларды қолдау идеясын Астана қаласының Ұлттық кәсіпкерлер палатасы өткізген ІІІ Жыл сайынғы конференциясында елорда басшысы ұсынған болатын. Жаңа бағдарламаға қолданыстағы мемлекеттік бағдарламаларға қатысу үшін қызметі экономиканың басымды салаларының тізіміне енбеген кәсіпкерлер қатыса алады.

 Несиенің ең көп сомасы –50 млн. теңгеге дейін. Сыйақы мөлшерлемесі – жылдық 7,9%, несие мерзімі – 7 жылға дейін. Жобаларды іріктеуді өңірлік Кәсіпкерлер палатасы жүзеге асырады.

Оның айтуынша, аталмыш бағдарлама экономиканың әр саласындағы жобаларды жүзеге асыра алады.

2016 жылдың 28 наурызындағы жағдай бойынша «Astana-ZhasStarT» 338,8 млн теңгенің 27 жобасын қаржыландырды

Ботагөз Айтжанова