Мысыр уақыпшылар министрі Астанадағы «Дін лаңкестікке қарсы» конференциясына қатысады
1 Сәуір, 2016 18:56
2016 жылдың 31 наурызында Қазақстанның Мысырдағы елшісі Берік Арын Мысыр Араб Республикасының уақыпшылар министрі Мухаммед Мұхтар Жұмамен кездесті.
Кездесу барысында тараптар «Нұр –Мүбәрак» ислам мәдениеті Университетінің қамқоршы кеңесінің кезекті отырысының күн тәртібін талқылады. Ол 2016 жылдың мамырына жоспарланған.
Қамқоршылық кеңесі аясында «Исламдық ЖОО-лардың бұрмаланған түсінікке әсер етуі» атты арнайы конференция өтеді.
Сондай-ақ, тараптар екі елдің ынтымақтастығын дамыту мен дінаралық диалог пен халықаралық лаңкестікке қарсылық мәселелерін талқылады.
