Дариға Назарбаева Астана колледжінің студенттеріне ағылшын тілін үйренуге кеңес берді (ФОТО)
Д. Назарбаева оқу орнында колледж жұмысымен танысып, кабинет, кітапхана, спортзал, тренажер залы, хауыз, техникалық кабинет, аспаздарды дайындау бөлімі, даяшыларды, инженерлер мен электриктерді, хатшы- референттерді дайындаумен танысты.
Премьер-Министрдің орынбасары болашақ мамандарға сәттілік тілеп, жұмысшы мамандардың қажет екенін айтты. Колледж өкілдерімен кездесу барысында Д.Назарбаева кітаптың тапшылығына өтініш айтпайғ ағылшын тілін үйренген жөн болатынын айтты.
Сондай-ақ, ҚР Премьер-Министрінің орынбасары Дариға Назарбаева елордадағы №10 қалалық емханада Астана қаласының медицина қызметкерлерімен кездесті. Кездесу алдында Үкімет басшысының орынбасары емхананы аралап, дәрігерлердің медициналық жаңа құрал-жабдықтармен жұмыс барысымен танысты.Д. Назарбаева бұндай кездесулер өте маңызды екенін айта келе, яғни медицина саласындағы кәсіби қоғамдастықтың мәселелері, салада толғандырып отырған бағыттар кеңінен талқыланатынын жеткізді.
«Жаңа осы емхананың жұмысымен танысып өттім. Қазіргі заманғы бұл медициналық орталық және соңғы буынды құралдармен жабдықталған. Жалпы, осында ақпараттандыру толықтай жүргізілген. Онлайн режімде дәрігерге жазылып, үйден шықпастан консультация алуға болады. Менің ойымша, жақын арада осындай мүмкіндіктер еліміздегі барша медициналық мекемелерде болуы тиіс»,-деді ол.
