Алматы облысында алюминді профильдер шығаратын зауыт өнімнің 1500 түрін өндіреді (ФОТО)

Олардың ең ірілері - «Aluminium of Kazakhstan» зауыты, «Первый пивзавод» ЖШС және «Абди Глобал Фарм» фармацевтикалық зауыты. Бұлар 500 адамды тұрақты жұмыс орынымен қамтамасыз етіп отыр және осымен тоқтап қалмай ары қарайда дами түспек.

Аудан әкімінің орынбасары Кенже Мұралимованың хабарлауынша, аталмыш кәсіпорындар мемлекеттік қолдаудың арқасында ең негізгі инфроқұрылым жүйелерімен қамтамасыз етілді. Бұдан бөлек, ауданда жаңа ірі кәсіпорындардың құрылысы жүріп жатыр. 

Алюминді профильдер шығаратын «Aluminium of Kazakhstan» зауыты индустриалды инновациялық даму бағдарламасы аясында іске қосылған. Бүгінгі таңда зауыт алюминді профильдердің 1500-ден астам түрін өндіреді. Ал, айына 1000 тонна дайын өнім шығарады. Осы кезеңде өнім Қазақстанның барлық аумағына жеткізіледі және Еуропа мен Ресейге экспорттау жоспарланып отыр. 

Сонымен қатар, ауданда Индустриалды карта аясында «Первый пивзавод» ЖШС-і сәтті дамуда. Зауыт директоры Владимир Айдарбековтың хабарлауынша, кәсіпорынның құрылысы 2007 жылы басталған. Содан бері зауыт белсенді жұмыс істеп келеді. Айта кетерлігі зауыт заманауи германиялық қондырғылармен толық жабдықталған. Кәсіпорын қосымша тағы жаңа жұмыс орындарын құру үшін түрлі шырын өндірісін қолға алмақ.