• Басты
  • «Болашақ» бағдарламасына енетін шетелдік ЖОО тізімі екі есеге қысқарды

«Болашақ» бағдарламасына енетін шетелдік ЖОО тізімі екі есеге қысқарды

31 Наурыз, 2016 18:14
«Болашақ» бағдарламасына енетін шетелдік ЖОО тізімі екі есеге қысқарды. Бұл туралы «Халықаралық бағдарламалар орталығы» АҚ президенті Ғани Нығметов ҚР Мемлекеттік хатшысы Гүлшара Әбдіқалықованың төрағалығымен өткен шетелде кадрлар даярлау жөніндегі республикалық комиссияның кезекті отырысынан кейін мәлімдеді.

«2016 жылдан бастап стипендия алуға үміткерлерге қойылатын талаптар күшейтілді. Өзгерістер шет тілін білу деңгейіне, дипломның орташа балына, жұмыс өтіліне қатысты енгізілді. Биыл мемлекет тарапынан барлығы 700 стипендия бөлінді. Көбі техникалық мамандарға тиесілі», - дейді Ғ.Нығметов.

Сондай-ақ, оның айтуынша, елімізде «6+6» деген тілдік дайындықтың моделі қалыптасты. Бұл ағылшын тілін 6 ай Қазақстанда, 6 ай шетелде оқыту моделі. Осындай екі мектеп жұмыс істеп жатыр, біреуі Астанада, біреуі Алматыда. Мектептерде британдық мамандар білім беруде. Стипендия иегерлері келесі 6 айын шетелде оқиды.

«Бұл модельдің басты мақсаты – қаражатты үнемдеу. Қазір екі есе үнемдеп жатырмыз. Егер біз бұрын шетелге 18 айға жіберсек, қазір 12 айдың ішінде «6+6» моделімен оқытамыз. Бұл уақытта стипендия жүріп жатады. Өйткені, олар жұмыстан босатылуы керек. Олар таңғы 10:00-ден кешкі 18:00-ге дейін тіл курстарын оқиды. Жалпы, стипендия иегерлері 6 ай емес, одан жылдам, 4-5 айда жақсы меңгеріп шығады. Ал жарты жыл шетелде оқу қажет, өйткені, тіл білімінде орта маңызды. Олар тіл білімін алғаннан кейін шетелде академиялық оқуға көшіп кетеді», - дейді Ғ.Нығметов.

Барлық жаңалықтар