БЖЗҚ-ң 100 млрд. теңге қаржысын «ҚазАгро» Ұлт жоспарының 55,60,61-ші қадамдарын қаржыландыруға бағыттайды
31 Наурыз, 2016 16:53
Біріңғай жинақтаушы зейнетақы қорының 100 млрд. теңге қаржысы «ҚазАгроға» бөлінді. Бұл қаржы Ұлт жоспарының 55,60,61-ші қадамдарын қаржыландыруға жұмсалатын болады, деп хабарлады «ҚазАго» Холдингінің басқарма төрағасы Нұрлыбек Малелов.
«Үкіметтің 100 млрд. теңгені агроөнеркәсіп кешенін қаржыландыруға бөлуі дәл уақытында қабылданған шешім. Бұл қаржылар Ұлт жоспарының үш қадамына, 55, 60, 61-ші қадамдарына жұмсалмақ. 55-ші қадамда ҚАЗАҚСТАННЫҢ ӘЛЕМДІК НАРЫҚҚА ШЫҒУЫ ЖӘНЕ ЭКСПОРТ ТАУАРЛАРЫ ҮШІН ӨҢДЕУ ӨНЕРКӘСІБІНЕ ЕҢ КЕМІНДЕ 10 ТРАНСҰЛТТЫҚ КОМПАНИЯНЫ ТАРТУ. 60-шы қадамда СҮТ ЖӘНЕ СҮТ ӨНІМДЕРІ ӨНДІРІСІН ДАМЫТУ ҮШІН СТРАТЕГИЯЛЫҚ ИНВЕСТОРЛАР ТАРТУ. 61-ші қадамда ЕТ ӨНДІРІСІ МЕН ӨҢДЕУДІ ДАМЫТУ ҮШІН СТРАТЕГИЯЛЫҚ ИНВЕСТОРЛАРДЫ ТАРТУ»,-деп хабарлады Н.Малелов.
«ҚазАгро» басшысы бұл бағыттар бойынша клиенттердің тапсырыстарын холдинг қабылдайтынын түсіндірді.
Анара Таныркулова
