Ауғанстанда Қазақстанның сауда павильоны құрылды

31 Наурыз, 2016 17:42

Қазақстандық тауарөндірушілер Ауғанстан Ислам Республикасындағы ірі «Ауғанстан Экспо Орталық» сауда-көрмесіне өз өнімдерін тегін қоя алады, деп хабарлады Қазақстанның сыртқы сауда палатасы.

Еске сала кетейік, 2016-шы жылдың 29-шы және 31-ші наурызы аралығында құрамында АӨК мен азық-түлік өндірісі салаларының және мұнай өнімдері саласының өндірушілері бар қазақстандық делегация Кабул қаласында болған еді.

Іскерлік сапар аясында бизнес-форум өтіп, В2В форматында екіжақты кездесу болды. Сонымен қатар, Қазақстанның сыртқы сауда палатасы мен Ауғанстан Ислам Республикасының Сауда-өнеркәсіп палатасы өзара ынтымақтастық туралы Меморандумға қол қойылды.

«Ешқандай қиындыққа және саяси тұрақсыздық жағдайына қарамастан Ауғанстан Қазақ елімен ынтымақтастық орнатуға дайын екендерін айтты. Менің ойымша бұл Қазақстан мен Ауғанстанның сауда-экономикалық қарым-қатынасын дамытуға және осы екі елге пайда әкелу жағынан да жаңа мүмкіндік болып отыр»,- деп атап өтті Қазақстанның сыртқы сауда палатасының басқарма төрағасы Мейірбек Мәжитов.

Атап өту керек, Ауғанстаннан Қазақстанға жасчалған экспорт 9,2 млн. доллар, ал, Қазақстаннан шығатын импорт 400 млн. долларды құрайды.